Ingredentes
- 250 gr de garvanzos
- 200 gr de cogomelos varios (sendeiriñas, champiñóns, níscaros)
- 150 cc de viño branco
- 1 cebola
- 1 allo pequeno
- 2 cenouras
- 1/2 pemento verde e vermello
- Especias e sal
- Aceite de oliva virxe
Preparación
A noite anterior, poñemos os garvanzos a remollo con auga tibia.
Poñemos os garvanzos nunha pota con loureiro e un chisco de sal. Deixamos cocer durante uns 60 minutos ata que estén feitos.
Mentras, picamos e pochamos o allo maila cebola nunha tixola con aceite. Engadimos primeiro as cenouras picadas, e cando estea algo branda, os pementos. Unha vez feitas as verduras, engadimos os cogomelos (só troceamos os níscaros, o resto deixámolos enteiros) e deixamos que boten a auga sen que chegue a evaporarse.
Pódese engadir tamén un tomate pequeno troceado.
Cando os cogomelos estén feitos engadimos os garvanzos mailo viño branco. Cando o alcohol estea reducido, botamos sal e especias ao gusto.